Deputetët para pak çastesh kanë votuar për ministrat e rinj të kabinetit qeveritar.

Hysni Ismaili do të jetë ministër i Kulturës, Naser Nuredini ministër i Mjedisit Jetësor, Goran Milevski i Vetëqeverisjes Lokale, Trajan Dimovski i Bujqësisë dhe Sadulla Duraku do ta udhëheq ministrinë e re për Sistem Politik dhe Marrëdhënie në mes Bashkësive, njofton Telegrafi Maqedoni.

Deputetët në Kuvend gjatë gjithë ditës sot kanë diskutuar ashpër rreth propozimeve për ministra.

Deputetët e shumicës parlamentare kanë mbrojtur propozimet e kryeministrit Zoran Zaev, ndërsa ata të opozitës thanë se funksionarët e propozuar nuk janë adekuat.

Zaev kishte propozuar që ai të udhëheq me Ministrinë e Financave në vend të Dragan Tevdovskit, por pas pohimeve të Komisionit Shtetëror për Parandalimin e Korrupsionit se ai nuk mund të jetë edhe kryeministër edhe ministër tërhoqi kandidaturën, ndërsa theksoi se me këtë ministri do të udhëheq deri në zgjedhjen e ministrit të ri.